أفضل الاختيارات لمركز المهاجم للجولة القادمه

أفضل الاختيارات لمركز المهاجم للجولة القادمه:

1- كونيا (6.5m)

لو بتدور على مهاجم سعره مناسب و يقدر يجيبلك نقاط بونص كتير، ماتيوس كونيا بـ 6.5 مليون يعتبر اختيار كويس جدًا. كل مره بيسجل فيها تقريبًا بيحقق 3 نقاط بونص، و ده معناه إن أول هدف ليه في أي ماتش ممكن يساوي 7 نقاط. بالإضافة لكده، فيه احتمالية كبيرة إنه يكون هو المنفذ الأساسي لركلات الجزاء لفريقه.

دقائق لعبه كويسة، و عنده مستوى إبداع عالي بالنسبة لمهاجم، و ده بيخليه يخلق فرص أكتر و يزود فرص التسجيل. أما من ناحية الجدول، فـ عنده مباريات متوسطة جايه، و دي فرصة تجيب منه نقاط ممتازة لو ضميته لفريقك.

2- كريس وود (6.4m)

كريس وود بـ 6.4 مليون يعتبر خيار ممتاز برضه لو محتاج مهاجم مستقر في التسجيل و بيجيب نقاط باستمرار. اللاعب فورمته حاليًا ممتازة و هو المنفذ الأول لركلات الجزاء، و ده بيزود فرص تسجيله للأهداف و النقاط.

دقائق لعبه كويسة، و معدل تسجيله ثابت بشكل معقول، حتى لو كان جدول مبارياته متنوع في الصعوبة، لكن الميزة إنه يقدر يتناوب كويس مع زميله روجرز، و اللي أخد راحة كاملة في نص الأسبوع.

3- راؤول خيمينيز (5.7m)

راؤول خيمينيز بسعر 5.7 مليون يعتبر صفقة اقتصادية ممتازة خصوصًا لو عاوز مهاجم في الفانتسي بسعر معقول. بيخلق فرص كتيرة لنفسه و لزمايله كمان، و ده بيخليه مرشح يحقق نقاط بتمريرات حاسمة بجانب التسجيل.

بالنسبة لركلات الجزاء، بعد ضياع ركلة أندرياس الأخيرة، احتمال يكون هو المسؤول الأساسي عن تنفيذها الفترة الجاية. كمان جدول مبارياته في الخمس جولات القادمة يعتبر ممتاز.

4- نيكولاس جاكسون (7.9m)

نيكولاس جاكسون بـ 7.9 مليون يعتبر خيار مناسب جدًا لو بتدور على مهاجم في فورمة تهديفية كويسة، خصوصًا إنه واضح إنه المفضل عند المدرب مارسكا عن نكونكو. بيلعب دقائق كويسة و يعتبر عنصر أساسي في خط هجوم تشيلسي اللي بدأ يقدم أداء جيد.

لكن خد بالك إن تشيلسي عندهم مواجهات صعبة في الجولة 10 و 11، فممكن تنتظره لحد الجولة 12 لو مش مستعجل. بس لو حابب تبيع سولانكي و تجيب مهاجم في فورمه كويسه، ممكن تفكر في جاكسون بدري.